٢٢ ساڵ خەبات و کۆڵنەدان
لە بیست ودووەمین ساڵیادی دامەزراندنی پارتی ژیانی ئازادی کوردستان (پژاک)، ئێمەی یەکێتی شۆڕشگێڕی کوردستان و ڕێکخراوی یاری کورد، پیرۆزبایی لە سەرجەم گریلا و تێکۆشەران، و کەسوکاری شەهیدان، هەروەها خەڵکی خۆڕاگر کوردستان دەکەین.
دامەزراندنی پژاک لە ٤ی ئا]ریل ٢٠٠٤ وەڵامێکی مێژوویی بوو بۆ دەیان ساڵ سەرکوت و نکۆڵی کردن لە ناسنامە و سیاسەتی سیستماتیکی دژ بە گەلی کورد لە ڕۆژهەڵاتی کوردستان. ئەم حیزبە، لە یەکێک لە قۆناغە هەستیارەکانی مێژووی هاوچەرخدا، توانی دەنگی ناڕەزایەتی و داخوازی ئازادی بە شێوەیەکی ڕێکخراو لە دژ بە ڕژێمی کۆماری ئیسلامی ئێران بەرز بکاتەوە.
زیاتر لە دوو دەیە پژاک ڕۆڵێکی گرنگی لە زیندوو ڕاگرتنی ئایدیالی ئازادی و دادپەروەری و خۆبەڕێوەبەری بۆ گەلی کورد گێڕاوە، نەک هەر وەک هێزێکی سەربازی، بەڵکو وەک بزووتنەوەیەکی ڕۆشنبیری و سیاسی. بەرخۆدانی ئەم حیزبە هێمای خۆڕاگرییە لە دژی ستەم و گوزارشت لەو ڕاستییە دەکات کە هیچ دەسەڵاتێک ناتوانێت ئیرادەی گەلێک بۆ ئازادی بخنکێنێت.
لە هەمان کاتدا پێمان وایە هەلومەرجی هەستیاری ئێستای ناوچەکە و گۆڕانکارییە بنەڕەتییەکانی پێکهاتەی دەسەڵات لە ئێران و ڕۆژهەڵاتی ناوەڕاست پێویستی بە پێداچوونەوە و لێکنزیکبوونەوە و پتەوکردنی دیپلۆماسی نەتەوەیی کورد هەیە. ئەمڕۆ له هەموو کات زیاتر پێویسته هەموو هێزه سیاسییه کانی کوردستان لەگەڵ پاراستنی سەڕبه خۆیی فیکری و ڕێکخراوەیی خۆیان، هەنگاو بەڕه و ستراتیژێکی هاوبه ش بۆ ئاینده ی کوردستان هەنگاو بنێن.
ئێمە جەخت لەسەر ئەم بنەمایە دەکەینەوە:
خەباتی ڕەوای گەلی کورد دەبێت وشیارانەی سیاسی و یەکگرتوویی ناوخۆی لەگەڵدا بپارێزرێت؛
دیپلۆماسی کوردی دەبێت لە چوارچێوەی پارچەپارچەکراوی خۆی دەربچێت و ببێتە یەک دەنگ لەسەر ئاستی ناوچەیی و نێودەوڵەتی؛
و لە کۆتاییدا ئامانجی کۆتایی دەستەبەرکردنی مافە نەتەوەییەکانی گەلی کوردە، لەسەر بنەمای ئازادی و دیموکراسی و کەرامەتی مرۆڤ.
لەم ڕۆژەدا بە ڕێزگرتن لە هەموو شەهیدانی ڕێگای ئازادی، جارێکی دیکە ڕایدەگەیەنین کە ڕێگای تێکۆشان بەردەوامە و داهاتووش هی ئەو نەتەوەانەیە کە لە پێناو مافەکانیاندا شۆڕشگێرانە و تێکۆشەرانە لە خەبات دان.
بژی خەبات بۆ ئازادی
